Plastik cərrahlar efirlərə buraxılmayacaq
14.01.2025 20:20
Plastik cərrahların efirlərdə çıxışlarına qadağa qoyulub.
Musavat.com-un məlumatına görə, yanvar ayının 31-dək Azərbaycanda fəaliyyət göstərən bütün plastik, estetik cərrahlar ciddi yoxlamadan keçəcəklər. Hüquq mühafizə orqanları tərəfindən həyata keçiriləcək bu yoxlamalardan uğurla keçən plastik və estetik cərrahlara sənəd veriləcək.Sənədi əldə edə bilməyən cərrahların fəaliyyətinə icazə verilməyəcək.
Azərbaycan Respublikasının ərazisində praktik tibb fəaliyyəti ilə məşğul olan plastik cərrahlar peşə fəaliyyətinin qanunauyğunluğunu təsdiq edən sənədlərinin notariat qaydasında təsdiq edilmiş surətlərini (baza ali tibb təhsili, diplomdansonrakı təhsilə aid bütün sənədlər, əmək kitabçası, tibbi fəaliyyət ilə məşğul olmağa buraxılma barədə şəhadətnamə, sertifikasiya şəhadətnaməsi və s.) 2025-ci il 31 yanvar tarixinədək Azərbaycan Respublikasının Səhiyyə Nazirliyinə şəxsən təqdim etməlidirlər.
Mütəxəssis tərəfindən sənədlər tələb olunan qaydada və tarixədək təqdim edilmədiyi təqdirdə, bu hal onun praktik tibb fəaliyyəti ilə məşğul olmağa buraxılma barədə şəhadətnamə və ya sertifikasiya şəhadətnaməsinin ləğvi üçün əsas olacaq.
www.anews.az
Twitter
Bizi Twitterdə izləyin
Foto
Video
