Sabirabadda avtomobil kanala aşıb, yaralananlar var

Sabirabad rayonunda avtomobilin kanala aşması nəticəsində beş nəfər yaralanıb.

“Report”un məlumatına görə, hadisə rayonun Şıxlar kəndi ərazində qeydə alınıb.

Hərəkətdə olan “Toyota Prius” markalı minik vatomobili anidən idarəetmədən çıxaraq yolun kənarındakı su kanalına aşıb.

Qəza nəticəsində Sabirabad rayon sakinləri – 1977-ci il təvəllüdlü Abbasov Babək Yusif oğlu, 2001-ci il təvəllüdlü Adilov Əvəz Rəhman oğlu, 1991-ci il təvəllüdlü Fərəcov Davud Ramiz oğlu, 1991-ci il təvəllüdlü Hüseynov Ceyhun Məhəmməd oğlu və Abşeronun Xırdalan qəsəbəsinin sakini 1998-ci il təvəllüdlü Məmmədzadə Babək Ehtiram oğlu müxtəlif dərəcəli xəsarətlər alıblar.

Zərərçəkmişlər Sabirabad Rayon Mərkəzi Xəstəxanasına çatdırılıblar.

Faktla bağlı araşdırma aparılır.