• $
  • €
  • ₽
  • ₺
  • £

Azərbaycanda bunkerlərə ehtiyac varmı?

Azərbaycanda bunkerlərə ehtiyac varmı?
03.04.2025 16:51

İsveç nüvə bunkerlərini hazır vəziyyətə gətirib. Bu barədə Daily Mail nəşri yazıb. 

Nəşrin məlumatına görə,  64 000 sığınacaq artıq müdafiə olunmaq üçün hazırdır və Üçüncü Dünya Müharibəsi baş verdiyi təqdirdə ölkə vətəndaşları üçün sığınacaqlarda bütün şərait yaradılıb. 

Bəs dünyada baş verən siyasi proseslərin gərginləşməsi fonunda Azərbaycanin belə bunkerlərə ehtiyacı ola bilərmi? 

Məsələ ilə bağlı Milli Məclisin deputatı Aqil Abbas bildirir ki,  Azərbaycanda bunkerlərə ehtiyac yoxdur.

"Əvvələr bunkerler var idi. Amma sonradan çayxana,  gecə klublarına  çevirdilər.  Bakıda 4 milyon əhali var. Bu qədər əhali üçün bunker tikmək münkün deyil. Bizim metrolarımız var. O da bunker sayılır. 20 stansiyanı sığınacaq kimi istifadə edə bilərik. Bəzi evlərin altında da sığınacaqlar var. Maşın dayanacaqları da bunker sayılır.  Hökümət məndən, səndən ağıllıdır. Lazım olsa tikər", - deputat vurğulayıb.

Millət  vəkili  Elman Məmmədovun fikrincə,  bunkerlər Azərbaycanda Sovet dövründə mövcud idi.

"Bunkerlər əvvəllər hər yerdə olmasa da, müəyyən yerlərdə var idi. Mülki müdəfiə qurğuları vasitəsilə yaradılırdı və saxlanılırdı. O dövrdə müxtəlif binaların zirzəmiləri sığınacaq kimi istifadə olunurdu. Buna da vaxt aşırı nəzarət olunurdu. Azərbaycan üçün bunkerlər lazımdır", - deputat bildirib.

Hərbi ekspert Üzeyir Cəfərovun fikrincə, bunker məsələsi zarafata salınmamalı, ya da qeyri ciddi  yanaşmaya çevrilməməlidir.

"Nə qədər ki, dövlət  və insanlar var hər şey olmalıdır. Biz bunu zarafata, ya da qeyri-ciddi  yanaşmaya çevirməməliyik. İnsanlar hər şeyə hazır olmalıdırlar.  Sadəcə indi pula həris insanlar, Azərbaycanı "bostan" kimi görürlər və  buna məhəl qoymurlar. Hadisə olan təqdirdə Azərbaycanı təyyarə ilə çox asanlıqla tərk edib gedə biləcəklər. Bəs əhali neyləsin? Bunkerlər qida, su, tibbi ləvazimatlarla təmin olunmalıdır. sabah təhlükə olarsa restoranlar insanları xilas edə bilməyəcək. Fövqəladə Hallar Nazirliyi ilə Bakı Şəhər  İcra Hakimiyyəti birgə bu işi həyata keçirməlidir.   Metronu sığınacaq hesab etmək olmaz. Bakının əhalisinin sayı hamıya məlumdur. Nəzərə alsaq ki, region əhalisi də  Bakıya köçüb sıxlıq səbəbindən  metroda  bir-bizimizi qıracıyıq. Metro bizim məzarlığımız ola bilər.",- ekspert vurğulayıb.

Ötən il Azərbaycanda şüa avadanlığı kompleksinin yerləşdirilməsi üçün bir mərtəbəli xüsusi bunker və köməkçi otaqların tikiləcəyi açıqlanıb.  Mərkəz sözügedən işlərin icrasının 3 milyon manata başa gələcəyini proqnozlaşdırıb.

Dünyadakı ilk universal bunker London metrosu hesab olunur.

Bunkerlər insanları partlayışlardan, radiasiyadan və kimyəvi silahlardan qorumaq üçün nəzərdə tutulub.

İstiqamət: 6.3.1. vətəndaş cəmiyyəti, hüquqi dövlət quruculuğu;

Qeyd: Yazı Medianın İnkişafı Agentliyinin maliyyə dəstəyi çərçivəsində hazırlanıb. 

Aytac Zeynalova

Youtube
Keçid et
Oxşar xəbərlər
Oxşar xəbərlər
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Anews TV

Rəsmi Youtube kanalımız

Abunə ol