Fərhad Əhmədovun lüks avtomobillərinə məhkəmə qərarı ilə həbs qoyulub

Milyarder iş adamı və "Aznar" QSC-nin sahibi Fərhad Əhmədova məxsus və ya onun nəzarətində olan bir neçə lüks avtomobilə məhkəmə qərarı ilə həbs qoyulub.

Bu addım, Əhmədovun tək təsisçisi olduğu “Baku Kaspian Real Estates Limited” MMC-nin milyonlarla manat borc öhdəliklərini yerinə yetirə bilməməsi səbəbindən atılıb.

Bakı Kommersiya Məhkəməsinin qərarına əsasən, avtomobillərin üzərinə həbs qoyulub və axtarış elan edilib. Prosesə Səbail Rayon İcra Şöbəsi tərəfindən nəzarət olunur.

Həbs qoyulan nəqliyyat vasitələri arasında Mercedes-Maybach S500, Rolls-Royce Cullinan, Porsche Cayenne, Range Rover Vogue, Harley Davidson, və nadir ZİM 12 (1954), QAZ-13 “Çayka” (1980) kimi kolleksiya modelləri də var.