Səhhəti ilə əlaqədar istefa verdi

İmişli Rayon İcra Hakimiyyəti başçısının müavini Ruslan Məmmədov (Eldaroğlu) səhhəti ilə əlaqədar tutduğu vəzifədən öz istəyi ilə azad olunub. Bu barədə Eldaroğlu öz facebook hesabında məlumat verib. 

O vurğulayıb ki, bu vəzifəni aprelin 1-dən icra etmir.

"Səhhətimlə əlaqədar olaraq, aprel ayının 1-dən öz xahişimlə İmişli Rayon İcra Hakimiyyəti başçının müavini, sоsial-iqtisadi inkişafın təhlili və proqnozlaşdırılması şöbəsinin müdiri vəzifəsindən ayrılmışam. Yaxın dostlar, çevrəm bundan xəbərdardır. Hazırda ev şəraitində müalicə alıram. Bir neçə gündən sonra isə əməliyyat olunacam", - o əlavə edib. 

Eldaroğlu bu vəzifəyə 2024-cü ilin mayında təyin edilmişdi. 

Ruslan Eldaroğlu bundan əvvəl övlət Məşğulluq Agentliyinin Media və informasiya təminatı şöbəsində baş mütəxəssis, Azərbaycan Beynəlxalq Avtomobil Daşıyıcıları Assosiasiyasının mətbuat katibi vəzifəsini icra edib. 

Gülnar