Gürcüstanda üç il əvvəl azərbaycanlını qətlə yetirən şəxs saxlanılıb

Gürcüstan polisi tərəfindən həyata keçirilən əməliyyat-axtarış tədbirləri nəticəsində 1971-ci il təvəllüdlü M.A. adlı şəxs saxlanılıb.Bu barədə Gürcüstan DİN məlumat yayıb.

İstintaqla müəyyən edilib ki, o, 2022-ci il sentyabrın 21-də Kaxeti rayonunun kəndlərindən birində 1986-cı il təvəllüdlü azərbaycanlı Aydın Həmzəyevi qəsdən öldürməkdə və qanunsuz olaraq odlu silah saxlamada təqsirləndirilir.

Faktla bağlı Gürcüstan Cinayət Məcəlləsinin 108 və 236-cı maddələri ilə istintaq aparılır.

Təqsirləndirilən şəxsi 15 ilə qədər həbs cəzası gözləyir.