A]damda 4 otaqlı ev yanıb

Ağdamda 4 otaqlı ev əşyaları ilə birlikdə yanıb.

Yanğın hadisəsi ötən gecə rayonun İkinci Yüzbaşılı kəndində baş verib.

Belə ki, kənd sakini Firdovsi Mahmudova məxsus evdə baş verən yanğın zamanı ev içində olan əşya ilə birlikdə yanıb.

Hadisə yerinə FHN-nin yanğınsöndürən briqadasının iki maşını və əməkdaşları cəlb olunub. Yanğın yanğınsöndürənlər tərəfindən söndürülərək yaxınlıqdakı tikililərə keçməsinin qarşısı alınıb.

Yanğının baş vermə səbəbi məlum deyil.

Faktla bağlı araşdırma aparılır.