Azərbaycan yol-nəqliyyat hadisələrinə görə Çinlə eyni səviyyədədir

Son 10 ildə Azərbaycanda yol-nəqliyyat hadisəsində 7539 nəfər ölüb. Bunu Milli Məclisin deputatı Zahid Oruc dyib. 

"2024-cü il yol-nəqliyyat hadisəsində ölənlərin sayı 764 nəfər olub. Son 10 ilin statistikasına baxanda bu rəqəm 7539 nəfərdir. Bu da o deməkdir ki, hər gün 2 nəfər yol qəzasında ölür. Son 10 ildə qəzalarda yaralananların sayı isə 16 500 olub. Həlak olanların 75%-ni kişilər təşkil edir. Dünyada hər yüz min nəfərə düşən ölüm sayı Avropada 6, Gürcüstanda 12,7, Ermənistanda 13,6%, Çində 17,4 və Azərbaycanda 17,2 nəfər olub", - deputat bildirib. 
 

Zahid Oruc vurğulayıb ki, hadisələrin 60%-ni piyadalarla bağlı olan qəzalar təşkil edib. 

"Bizdə piyadalarda hömran bir hiss var. Sanki yolun sahibidirlər kimi davranırlar. Düşünməlidirlər ki, vətəndaşın vergisi hesabına tikilən keçidlərdən istifadə olunmalıdır", - o əlavə edib. 

Gülnar Nazimqızı