Şəmkirdə minik avtomobili dərəyə aşıb, xəsarət alanlar var

Şəmkirdə yol-nəqliyyat hadisəsi baş verib.

APA-nın məlumatına görə, hadisə rayon ərazisində qeydə alınıb.

Hərəkətdə olan "Mitsubishi" markalı minik avtomobili idarəetmədən çıxaraq dərəyə aşıb.

Qəza nəticəsində minik avtomobili deformasiyaya uğrayıb və dərhal əraziyə FHN-nın xilasediciləri cəlb olunub.

Avtomobildə sıxılmış vəziyyətdə olan bir neçə nəfər çıxarılaraq xəstəxanaya aparılıb.

Hadisə yerində polis əməkdaşları cəlb olunub. Faktla bağlı araşdırma aparılır.