• $
  • €
  • ₽
  • ₺
  • £

Məmurlar sonuncu dəfə nə vaxt metroya minib? - SORĞU

Məmurlar sonuncu dəfə nə vaxt metroya minib? - SORĞU
10.06.2025 13:31

Azərbaycanın sabiq hərbi prokuroru və hazırda Konstitusiya Məhkəməsinin hakimi olan Xanlar Vəliyevin Bakı metrosunun “İçərişəhər” stansiyasında görünməsi sosial şəbəkələrdə müzakirələrə səbəb olub. Anews.az məsələ ilə bağlı bir neçə sabiq nazir və deputata metrodan sonuncu dəfə nə vaxt istifadə etdiklərini soruşub.

Cavablar illərlə metroya minməyənlərdən tutmuş, həftəlik istifadə edənlərədək dəyişib.

Milli məclisin deputatı Naqif Həmzəyev bildirir ki, sonuncu dəfə bir neçə gün əvvəl  metrodan istifadə edib.

""28 May" metro stansiyasından "Xətai" metrostansiyasına getmişəm. Hər həftə iki üç dəfə metrodan istifadə edirəm", -  deputat vurğulayıb.

Azərbaycanın keçmiş xarici işlər naziri Elmar Məmmədyarov metrodan sonuncu dəfə tələbəlik illərində istifadə etdiyini deyib.

"Çoxdandı metroya minmirəm. Sonuncu dəfə tələbə vaxtlarımda minmişəm",- eks nazir bildirib.

Deputat Fazil Mustafa sonuncu dəfə nə vaxt istifadə etdiyini xatırlamadı.

"Nə vaxt istifadə etdiyimi xatırlamıram. Hər halda beş il öncə..",- o bildirib.

 Sabiq Təhsil naziri Misir Mərdanov da metrodan nə vaxt istifadə etdiyini xatırlamadı.

"Lap çoxdan. Düzünü desəm, xatırlamıram",- Mərdanov bildirib.

Deputat Aydın Mirzəzadə metrodan sonuncu dəfə bir neçə gün əvvəl istifadə etdiyini bildirib.

"Əvvəllər daha çox istifadə edirdim. Gündəlik istifadə etmirəm. Tıxac olduğu zaman məcbur metroya düşürəm",- deputat bildirib.

Millət vəkili Razi Nurullayev sonuncu dəfə 1 ay əvvəl istifadə etdiyini söyləyib.

"Təxmin'n bir ay olar istifadə etmişəm. Əvvəllər daha çox istifadə edirdim. Amma indi getdiyim yerlərə metro olmadığı üçün məcbur'n maşından istifadə edirəm. Əvvəllər işə getmək üçün  "20 Yanvar"dan minib, "Azadlıq" metro stansiyasından çıxırdım"?  -  o söyləyib.

Deputat  Arzu Nağıyev sonuncu dəfə bir həftə əvvəl metrodan istifadə etdiyini vurğulayıb.

Millət vəkili Cavanşir Paşazadə xatırlamadığını, təxminən 15-20 il əvvəl istifadə etdiyini bildirdi.

Azərbaycan Respublikasının Prezidenti yanında Təhlükəsizlik Şurası katibinin müavini Mədət Quliyevin sözlərinə görə, sonuncu dəfə iki həftə əvvəl istifadə edib.

"Mütəmadi olaraq həftədə  bir iki dəfə istifadə etmişəm. Sadəcə bu həftə az istifadə etmişəm",- o bildirib.

Deputat Məlahət İbrahimqızı isə bu yaxınlarda istifadə etdiyini bildirib.

"Xətai" metrosundan "Neftçilər"ə getmişəm. Tez-tez istifadə etmirəm. Amma bizim metroları çox sevirəm. Xarici ölkələrin metroları çox qurudur. Amma bizdə gözəl dizaynlar var. Əsasən da "Nizami" adına stansiyada... Pik saatlarında  istifadə etməmişəm. Çünki çox basabas olur. Səhərlər çox insan olur",- deputat vurğulayıb.

Aytac Zeynalova

Twitter
Keçid et
Oxşar xəbərlər
Oxşar xəbərlər
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
Anews TV

Rəsmi Youtube kanalımız

Abunə ol