Ötən ay 40 nəfər Azərbaycana readmissiya olunub, 1175 əcnəbi isə işləmək üçün müraciət edib

Dövlət Miqrasiya Xidməti (DMX) ötən ay ərzində 40 şəxsin Azərbaycana readmissiyasını həyata keçirib. Bu barədə "Report"un sorğusuna cavab olaraq qurumun İctimaiyyətlə əlaqələr idarəsindən məlumat verilib.

Onlar əsasən Avropa ölkələrindən geri qəbul olunmuş şəxslərdir. Proses Azərbaycan Respublikasının imzaladığı readmissiya sazişləri çərçivəsində həyata keçirilib.

Bundan əlavə, 2025-ci ilin may ayında Azərbaycanda haqqı ödənilən əmək fəaliyyəti ilə məşğul olmaq üçün əcnəbilər və vətəndaşlığı olmayan şəxslər tərəfindən ümumilikdə 1175 müraciət daxil olub. Müraciətlər işəgötürənlərin vəsatəti əsasında iş icazəsinin alınması və ya uzadılması məqsədilə təqdim olunub.

Cari ilin ilk rübündə Azərbaycana daimi yaşamaq üçün 773 nəfər gəlib.