İki azərbaycanlı SBU polkovnikinin qətlində şübhəli bilinib

Azərbaycan vətəndaşları Nərmin Qüliyeva və Xaqanı Qüləlizadə SBU polkovniki İvan Voroniçin Kiyevdə qətlində şübhəli bilinirlər. Bu barədə Censor.net məlumat verib. 

Güləlizadə birbaşa qətli törədib, Güliyeva isə dəstək verib. Hər iki şəxs Rusiyaya bağlı cinayətkar şəbəkələrlə əlaqələndirilir.

Ukrayna Təhlükəsizlik Xidməti (SBU) qətlin Rusiya xüsusi xidmət orqanlarının göstərişi ilə həyata keçirildiyini bildirib.

SBU rəhbəri Vasili Malyukun sözlərinə görə, iyulun 13-də keçirilən xüsusi əməliyyat zamanı silahlı müqavimət göstərən şübhəlilər məhv edilib.

İstintaqın məlumatına əsasən, şübhəlilər polkovniki izləyib, silahı gizli yerdən alaraq evinin qarşısında pusqu qurublar.

Hadisədən sonra qaçmağa çalışsalar da, Kiyev vilayətində aşkar edilərək zərərsizləşdiriliblər.

N.Təbrizli