Çində iki yeni virus aşkarlanıb

Çin alimləri yarasalarda insan həyatı üçün təhlükəli ola biləcək Nipah və Hendra viruslarına genetik cəhətdən oxşar iki yeni virus aşkarlayıblar.

"Plos Pathogens" elmi jurnalında dərc olunan araşdırmaya görə, dörd il ərzində Çinin Yunnan əyalətində toplanan 142 yarasanın böyrəkləri analiz edilib və əvvəllər elmə məlum olmayan 22 virus müəyyən edilib.

Onlardan ikisi “Henipavirus” cinsinə aiddir və beynin iltihabı və tənəffüs xəstəliklərinə səbəb ola biləcək patogenlər hesab olunur.

Alimlər yoluxmanın çirklənmiş meyvələr vasitəsilə baş verə biləcəyinə dair xəbərdarlıq ediblər.

N.Təbrizli