Deputat Xalid Tağızadə vəzifədən uzaqlaşdırılıb

Rusiya Federasiyasının Xanti-Mansi Muxtar Dairəsinin regional parlamentinin deputatı, Azərbaycan əsilli Xalid Tağızadə sosial inkişaf komitəsi sədrinin müavini vəzifəsindən uzaqlaşdırılıb və maaşdan məhrum edilib.  Bu barədə dairə Duması məlumat yayıb.

Qərar 32 deputatın lehinə, 5 nəfərin bitərəf səs verməsi ilə qəbul olunub.

Komitə sədri Vasili Filipenko bildirib ki, qərarın əsasında etik qaydaların pozulması dayanır — Tağızadə iyun ayının əvvəlində etik komissiyanın iclasına məzuniyyətdən dönməkdən imtina edərək qatılmayıb.

Tağızadə qərarı ədalətsiz adlandırıb və ailəsinin dolanışığını əsas gətirərək prokurorluğa şikayət etdiyini bildirib. Məlumata görə, onun aylıq gəliri 200 min rubldan çox olub.

Daha əvvəl deputat “özbəklərin tarixi torpaqlarına qayıtması” barədə söylədiyi fikirlərə görə tənqid olunub. O, sonradan üzr istəsə də, dediklərinin kontekstdən çıxarıldığını iddia edib.

N.Təbrizli