Qarabağ Universitetinin Nizamnaməsinə dəyişiklik edilib

Qarabağ Universitetinin nizamnaməsinə dəyişiklik olunub. Bu barədə qərarı Azərbaycan Respublikasının Baş naziri Əli Əsədov imzalayıb.

Qərara əsasən, universitetin rektoru artıq “Qarabağ Universitetinin Klinikası” publik hüquqi şəxsin rəhbərini təyin və ya vəzifədən azad etmək səlahiyyətinə malik deyil. Eyni zamanda, rektor klinikada çalışan işçilərlə bağlı həvəsləndirmə və ya intizam tənbehi tədbiri də görə bilməz.

Dəyişiklik klinikanın idarəetmə müstəqilliyini artırmaq məqsədi daşıyır.

Qarabağ universiteti Xankəndində 1969 -ci il təhsis edilib. Prezidentin fərmanı ilə 2023-cü ilin noyabrın 28-də yenidən yaradılması qərarı verilib.
 
33 ildən sonra bu il ilk dəfə Qarabağ Universitetində yenidən tələbələr təhsil almaq imkanı qazanıb. 
 
Universitetdə təhsil alan tələbələr üçün müəyyən güzəştlər tətbiq edilib. 
 
Qarabağ Univrsitetində tədris iki dildə -Azərbaycan və İngilis dilində aparılacaq. 
 
Hazırda universitetin 1120 tələbəsi var. 

 
Gülnar  Nazimqızı