Bakıda yaşayış binasında yanğın olub, iki nəfər tüstüdən zəhərlənib

Bakıda yaşayış binasında yanğın olub, iki nəfər tüstüdən zəhərlənib.Bu barədə Fövqəladə Hallar Nazirliyinin Mətbuat xidməti məlumat yayıb.

Hadisə Sabunçu rayonunda doqquzmərtəbəli yaşayış binasında qeydə alınıb.

Binanın zirzəmisindən 9-cu mərtəbəsinə kimi şaxta boyunca 30 paq.m telefon və internet kabeli yanıb.

Yanğın zamanı 2 nəfər tüstüdən zəhərlənib.

Mənzillər yanğından mühafizə olunub. Yanğın yanğından mühafizə bölmələri tərəfindən söndürülüb.