Bərbər və gözəllik salonlarında göstərilən xidmətlərə görə ƏDV geri alına biləcək

Azərbaycan hökumətinin Vergi Məcəlləsinə təklif etdiyi dəyişikliklərə əsasən, bərbərxana və gözəllik salonlarında göstərilən xidmətlər də “ƏDV geri al” sisteminə daxil ediləcək.

Bu barədə Dövlət Vergi Xidmətinin rəhbəri Orxan Məmmədov çıxışı zamanı bildirib. Onun sözlərinə görə, sistemin əhatə dairəsinin genişləndirilməsi nağdsız ödənişlərin stimullaşdırılmasına, kölgə iqtisadiyyatının azaldılmasına və istehlakçıların maraqlarının qorunmasına xidmət edəcək.

Hazırda “ƏDV geri al” mexanizmi əsasən ticarət və iaşə obyektlərində tətbiq olunur. Yeni dəyişikliklər qüvvəyə mindikdən sonra vətəndaşlar bərbər və gözəllik salonlarında göstərilən xidmətlər üçün ödənilən ƏDV-nin bir hissəsini elektron qaydada geri ala biləcəklər.

N.Təbrizli