Azərbaycanın sabit və mobil internet sürəti oktyabrda bir pillə geriləyib

Bu ilin oktyabrında Azərbaycan sabit genişzolaqlı internetin orta sürətinə görə 156 ölkə arasında 84-cü pilləyə düşüb. Ötən aya nisbətən ölkə bir pillə geriləyərək 84,82 MB/s sürət göstərib. Bu barədə “Speedtest Global Index” məlumat yayıb. 

Sabit genişzolaqlı internet sürətinə görə birinci yeri Sinqapur, sonuncu yeri isə Suriya tutur.

Mobil internet sürətində də oxşar tendensiya müşahidə olunub.

Oktyabrda Azərbaycan 79,94 MB/s sürətlə 104 ölkə arasında 53-cü yerdə qərarlaşıb, sentyabr  ilə müqayisədə bir pillə geriləmə baş verib.

Mobil internetdə birinci yeri Birləşmiş Ərəb Əmirlikləri, sonuncu yeri isə Boliviya tutur.

Son statistik göstəricilər göstərir ki, Azərbaycanın internet infrastrukturunda sürət baxımından stabillik saxlanılsa da, beynəlxalq reytinqlərdə kiçik geriləmələr müşahidə olunur.

Sürət baxımından lider ölkələr Asiya və Yaxın Şərq regionunda cəmləşib, az inkişaf etmiş ölkələrdə isə sürət hələ də aşağı səviyyədədir.