Elmin populyarlaşdırılması üçün yeni platformalar və təşviqat tələb olunur - Etibar Əliyev

Elmin geniş ictimaiyyətə çatdırılması üçün xüsusi sayt yaradılmalı və elmi esselər yazılmalıdır. Bunu UNEC-in Elmin Populyarlaşdırılması Mərkəzinin rəhbəri və keçmiş deputat Etibar Əliyev "Sosial-siyasi elmlər müasir çağırışlar fonunda: Beyin mərkəzləri, akademik elm ve universitetler" mövzusunda təşkil edilən dəyirmi masada deyib.

Sabiq deputat elmin vəziyyəti hazırda ürəkaçan olmadığı bildirilib.

Əliyev qeyd edib ki, elmin geniş ictimaiyyətə çatdırılması üçün xüsusi sayt yaradılmalı və elmi esselər yazılmalıdır, çünki hazırda ölkədə bu janr demək olar ki, mövcud deyil.

O əlavə edib ki, universitetlərdə elmin populyarlaşdırılması üçün kitabxanalarda xüsusi bölmələr təşkil edilməli, yuxarı sinif şagirdləri arasında elmin təşviqi gücləndirilməlidir.

“Elmin yalnız laboratoriya və auditoriyalarda qalmaması, cəmiyyətə inteqrasiya olunması vacibdir. Bu, gənc nəsildə elmi marağı artıracaq”, — Əliyev vurğulayıb.

Gülnar Nazimqızı