Namizəd Səfərov həbs olunub

Xətai Rayon Məhkəməsi Vəkillər Kollegiyasının keçmiş üzvü, hüquqşünas Namizəd Səfərov barəsində 4 ay müddətinə həbs qətimkan tədbiri seçib.

Bir neçə gün öncə yerli media məlumat paylaşıb ki, polis Səfərovu dekabrın 9-da saxlayıb.

İttihama görə, o, bir vətəndaşı işinə bərpa etdirəcəyinə dair vəd verərək etibarından sui-istifadə edib və 53 min manat pul alıb. Vədini yerinə yetirmədiyi üçün zərərçəkmiş polisə müraciət edib.

Daxili İşlər Nazirliyi Səfərovun saxlanması ilə bağlı hər hansı rəsmi açıqlama verməyib. 

Səfərova qarşı Cinayət Məcəlləsinin 178.3.2-ci maddəsi (külli miqdarda ziyan vurmaqla dələduzluq) ilə ittiham irəli sürülüb. İş üzrə istintaq davam edir.

Aytac Zeynalova