Ağdamda mina partlayışı: traktor sürücüsü xəsarət alıb

İşğaldan azad edilmiş Ağdam rayonunun Çəmənli kəndi ərazisində dekabrın 17-də axşam saatlarında mina partlayışı baş verib, nəticədə bir nəfər xəsarət alıb.

Daxili İşlər Nazirliyi, Baş Prokurorluq və ANAMA-nın birgə məlumatına görə, 1982-ci il təvəllüdlü Sarıcalı kənd sakini Qədir Məmmədov minalardan təmizlənməmiş ərazidə traktorla yer şumlayarkən tank əleyhinə mina partlayıb.

Xəsarət alan şəxs xəstəxanaya təxliyə edilib, faktla bağlı Ağdam rayon prokurorluğunda araşdırma aparılır.

Rəsmi qurumlar vətəndaşları mina təhlükəsi işarələrinə riayət etməyə, bələd olmadıqları və çəpərlənmiş ərazilərə daxil olmamağa çağırıb.

Gülnar