200 manatlıq birdəfəlik yardım ödənilib

Prezident İlham Əliyevin Sərəncamına əsasən, Dünya Azərbaycanlılarının Həmrəyliyi Günü və Yeni il münasibətilə 2025-ci il 30 dekabr tarixinə ünvanlı sosial yardım alan hər ailəyə 200 manat birdəfəlik maddi yardım ödənilib.

Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu (DSMF) yardımları müvafiq ailələrin hesablarına köçürüb. Yardım ümumilikdə 76 103 ailəni, yəni 337 932 nəfər ailə üzvünü əhatə edib.

Bundan əvvəl DSMF dekabr ayında sosial ödənişləri mərhələli şəkildə həyata keçirib: Bakı, Sumqayıt, Abşeron və Naxçıvan üzrə pensiyalar dekabrın 10-da, digər bölgələrdə pensiyaçı və güzəştli şərtlərlə pensiya təyin edilmiş şəxslərin dekabr ayı pensiyaları dekabrın 19-da, müavinət, təqaüd və ünvanlı sosial yardımlar isə dekabrın 25-də ödənilib. Fond bildirib ki, dekabr ayı üzrə bütün sosial ödənişlər artıq başa çatdırılıb.

Aytac