Azeri Light nefti 68,54 dollara yüksəlib

Dünya bazarında “Azeri Light” markalı Azərbaycan neftinin qiyməti  0,03 ABŞ dolları və ya 0,04% artaraq 68,54 ABŞ dolları olub.

Hərracların nəticələrinə əsasən, “Brent” markalı neftin mart fyuçersləri 65,42 ABŞ dolları səviyyəsində formalaşıb.

Türkiyənin Ceyhan limanında FOB bazasında “Azeri Light” neftinin bir bareli 0,22 ABŞ dolları və ya 0,33% ucuzlaşaraq 66,43 ABŞ dollarına düşüb.

Azərbaycanın 2025-ci il dövlət büdcəsində neftin bir barelinin orta qiyməti 65 ABŞ dolları götürülüb.

“Azeri Light” neftinin minimum qiyməti 2020-ci il aprelin 21-də 15,81 ABŞ dolları, maksimum qiyməti isə 2008-ci ilin iyulunda 149,66 ABŞ dolları səviyyəsində qeydə alınıb. Bu neft “Azəri–Çıraq–Günəşli” yataqlar blokundan hasil olunur və layihədə SOCAR-ın payı 31,65% təşkil edir.