Qeyri-sabit hava səbəbindən ADY gücləndirilmiş iş rejiminə keçib

Ölkə ərazisində müşahidə olunan qeyri-sabit hava şəraiti ilə əlaqədar “Azərbaycan Dəmir Yolları” QSC hərəkətin təhlükəsizliyinin təmin olunması məqsədilə gücləndirilmiş iş rejimində fəaliyyət göstərir.

ADY-dən bildirilib ki, qatarların sürət həddi hava şəraitinə uyğun tənzimlənir və bu səbəbdən qrafikdən qismən kənara çıxmalar mümkündür.

Sərnişinlərdən platformalarda hərəkət zamanı diqqətli olmaları və dəmiryol xətlərini yalnız müvafiq keçidlərdən keçmələri xahiş olunur.