Deputat: Gəncədə kanalizasiya problemi illərdir həllini tapmır

Gəncədə kanalizasiya sistemi illərdir tam həll olunmur. Bunu Milli Məclisin deputatı Naqif Həmzəyev deyib. 

Onun sözlərinə görə, problemin qismən aradan qaldırıldığı ərazilərdə belə sonradan yeni çətinliklər yaranır.

Deputat qeyd edib ki, mövcud vəziyyətin effektiv həlli üçün aidiyyəti dövlət qurumları ilə birgə birgə komissiyanın yaradılması və prosesə parlament üzvlərinin də cəlb olunması faydalı ola bilər.

Həmzəyev xatırladıb ki, Azərbaycan Prezidenti İlham Əliyevin sədrliyi ilə yanvarın 12-də Bakı şəhəri və Abşeron yarımadasında su təchizatı, tullantı və yağış suları sistemlərinin təkmilləşdirilməsinə dair 2026–2035-ci illəri əhatə edən Dövlət Proqramına həsr olunmuş müşavirə keçirilib.

Müşavirə zamanı dövlət başçısı aidiyyəti qurumlara bu sahədə bir sıra konkret tapşırıqlar verib. Deputat hesab edir ki, həmin yanaşma regionlarda, o cümlədən Gəncədə mövcud infrastruktur problemlərinin həllində də tətbiq olunmalıdır.

Gülnar Nazimqızı