Azərbaycan müdafiə naziri Slovakiyaya səfər edib

Azərbaycanın müdafiə naziri general-polkovnik Zakir Həsənov Slovakiyanın Baş nazirinin müavini və müdafiə naziri Robert Kalinakın dəvəti ilə bu ölkəyə rəsmi səfər edib.Bu barədə Azərbaycan Müdafiə Nazirliyi məlumat yayıb.

Məlumata görə, Bratislavada keçirilən qarşılanma mərasimindən sonra Zakir Həsənov onun şərəfinə düzülmüş qarovul dəhlizindən keçib.

Səfər çərçivəsində Zakir Həsənov və Robert Kalinak arasında görüş keçirilib.

Tərəflər Azərbaycan ilə Slovakiya arasında hərbi əməkdaşlığın mövcud vəziyyəti, qarşılıqlı səfərlərin əhəmiyyəti və hərbi-texniki əməkdaşlığın inkişaf perspektivləri barədə fikir mübadiləsi aparıblar.

Görüşdən sonra qarşılıqlı hədiyyələr təqdim olunub, Zakir Həsənov isə Xatirə kitabını imzalayıb.