Yol polisi əməkdaşlarına müqavimət göstərən sürücü saxlanılıb

Binəqədi rayonu ərazisində axtarışda olan “Hyundai” markalı, 99-QP-750 dövlət qeydiyyat nişanlı avtomobil yol polisi əməkdaşları tərəfindən saxlanılıb.

Bakı Şəhər Dövlət Yol Polisi İdarəsindən bildirilib ki, nəqliyyat vasitəsi ödənilməmiş cərimələrə görə mühafizə olunan duracağa yerləşdirilməsi ilə bağlı qərar əsasında saxlanılıb.

Məlumata görə, konstruksiya dəyişikliyi edilmiş avtomobili idarə edən 24 yaşlı Sabir Əliyev polis əməkdaşlarının “saxla” işarəsinə tabe olmayıb və qanuni tələbləri yerinə yetirməyib.

Sürücünün hərəkətlərinin qarşısı alınıb və o, ərazi polis şöbəsinə gətirilib.

Fakt üzrə sürücü barəsində qanunvericiliyə uyğun olaraq hüquqi tədbirlər görülür.