Deputat: xırda və iri təsərrüfatların maraqları uzlaşdırılmalıdır

Azərbaycanda aqrar siyasətin gələcək inkişafında xırda və iri təsərrüfat subyektlərinin, emalçıların və istehlakçıların maraqlarının düzgün uzlaşdırılması əsas prioritetlərdən biri olmalıdır. Bunu Milli Məclisin deputatı Azər Əmiraslanov aqrar sahənin inkişafına həsr olunmuş tədbirdə çıxışı zamanı deyib.

Onun sözlərinə görə, bu yanaşma həm iqtisadi, həm də sosial baxımdan daha ədalətli modelin formalaşmasına xidmət edəcək.

"Bu, sosial baxımdan da daha ədalətli olar. Qarşıdakı dövrdə həm xırda, həm iri təsərrüfatların, emalçıların və istehlakçıların maraqlarının düzgün uzlaşdırılması aqrar siyasətin qarşısında duran ən mühüm vəzifələrdən biri ola bilər", – deputat bildirib.

Azər Əmiraslanov çıxışında  bu sahədə görülən işlərin ölkənin iqtisadi və sosial inkişafına mühüm töhfə verəcəyini vurğulayıb

Gülnar Nazimqızı