Bu gün Azərbaycanda Polis Günüdür

Bu gün Azərbaycanda Polis Günü qeyd olunur. Bu il Azərbaycan polisinin yaradılmasının 108-ci ildönümü tamam olur.

Azərbaycan polisi 1918-ci il iyulun 2-də Azərbaycan Xalq Cümhuriyyəti dövründə Daxili İşlər Nazirliyinin tərkibində yaradılıb. Eks prezident Heydər Əliyevin 24 may 1998-ci il tarixli fərmanı ilə iyulun 2-si hər il Azərbaycanda Polis Günü kimi qeyd edilir.

Azərbaycan polisi fəaliyyət göstərdiyi müddətdə ictimai asayişin qorunması, cinayətkarlığa qarşı mübarizə, dövlət və ictimai təhlükəsizliyin təmin olunması istiqamətində fəaliyyət göstərib. Son illərdə polis orqanları kibercinayətkarlıq, narkotik vasitələrin qanunsuz dövriyyəsi, insan alveri və transmilli mütəşəkkil cinayətkarlıqla mübarizə, eləcə də işğaldan azad edilmiş ərazilərdə hüquq qaydasının və təhlükəsizliyin təmin edilməsi istiqamətində də vəzifələr icra edir.

Gülnar Nazimqızı