Sumqayıtda 1700 abonentin qaz təchizatı dayandırılacaq

Sumqayıtda qaz xəttində aparılacaq təmir işləri ilə əlaqədar 1700 abonentin qaz təchizatına müvəqqəti fasilə veriləcək.

"Azəriqaz" İstehsalat Birliyinin məlumatına görə, Sumqayıt Stansiya qəsəbəsində diametri 76 millimetr olan qaz xəttində aşkar edilmiş sızmaların aradan qaldırılması məqsədilə təmir işləri aparılır.

Bununla əlaqədar, bu gün saat 11:30-dan etibarən 1700 abonentin qaz təchizatı müvəqqəti dayandırılıb.

Bildirilib ki, təmir işləri başa çatdıqdan sonra qazın verilişi abonentlərə mərhələli şəkildə bərpa olunacaq.