DİN: bir gündə 63 cinayətin üstü açılıb

Avqustun 4-də və əvvəlki dövrlərdən bağlı qalmış ümumilikdə 63 cinayətin açılması polis əməkdaşları tərəfindən təmin edilib.

Bu barədə Daxili İşlər Nazirliyinin (DİN) Mətbuat Xidməti məlumat yayıb.

Bildirilib ki, ötən gün ölkə ərazisində qeydə alınan 46, əvvəlki dövrlərdən bağlı qalan isə 17 cinayətin üstü açılıb.

Həmçinin axtarışda olan ümumilikdə 104 nəfər, o cümlədən borclu şəxs qismində axtarılan 80 nəfər saxlanılaraq aidiyyəti üzrə təhvil verilib.

Məlumata görə, narkotiklərlə əlaqəli 20, qanunsuz saxlanılan silah-sursatın götürülməsi və aşkarlanması ilə bağlı isə 8 fakt müəyyən edilib.

Bundan başqa, cinayət törətməkdə şübhəli bilinən 40 nəfər saxlanılıb.