Azərbaycanda bir gündə 55 cinayət açılıb

Avqustun 6-da ölkə üzrə qeydə alınan 55 cinayətin, həmçinin əvvəlki dövrlərdən bağlı qalan 9 cinayətin üstünü açıb.

Daxili İşlər Nazirliyinin Mətbuat Xidmətinin cümə günü yaydığı məlumata görə, gün ərzində axtarışda olan ümumilikdə 153 nəfər, o cümlədən borclu şəxs qismində axtarılan 127 nəfər saxlanılaraq aidiyyəti üzrə təhvil verilib.

Məlumata əsasən, narkotiklərlə əlaqəli 29, qanunsuz saxlanılan silah və sursatın aşkarlanması və götürülməsi ilə bağlı 9 fakt müəyyən olunub.

Həmçinin cinayət törətməkdə şübhəli bilinən 70 nəfər saxlanılıb.

Gülnar Nazimqızı