Azərbaycanda bir gündə 106 axtarışda olan şəxs saxlanılıb

Avqustun 7-də Azərbaycanda axtarışda olan 106 nəfər saxlanılıb, Daxili İşlər Nazirliyi (DİN) bildirib.
Nazirliyin məlumatına görə, saxlanılanlardan 84 nəfər borclu şəxs qismində axtarışda olub və onlar aidiyyəti üzrə təhvil verilib.

Polis əməkdaşları gün ərzində qeydə alınmış 44, eləcə də əvvəlki dövrlərdən bağlı qalmış 17 cinayətin açılmasını təmin ediblər.

Bundan başqa, narkotiklərlə əlaqəli 15, qanunsuz saxlanılan silah-sursatın götürülməsi və aşkarlanması ilə bağlı 3 fakt müəyyən edilib.

Cinayət törətməkdə şübhəli bilinən 52 nəfər saxlanılıb.