• $
  • €
  • ₽
  • ₺
  • £

Sabah Bakıda və bir sıra rayonlarda elektrik enerjisinin verilişində fasilələr yaranacaq

Sabah Bakıda və bir sıra rayonlarda elektrik enerjisinin verilişində fasilələr yaranacaq
24.08.2026 23:37

Avqustun 25-də Bakının və bir sıra rayonların bəzi ərazilərində təmir işləri ilə əlaqədar elektrik enerjisinin verilişində fasilələr yaranacaq.Bu barədə "Azərişıq" ASC məlumat yayıb.

Məlumata görə, işlər elektrik enerjisinin təchizatının keyfiyyətinin artırılması və artan yük tələbatının qarşılanması məqsədilə aparılacaq.

Bakının Yasamal rayonunda saat 10:00-dan 13:00-dək Moskva və Mətbuat prospektlərinin, həmçinin Mirəli Seyidov, Abdulla Şaiq, Şamil Əzizbəyov, Zərgərpalan, Mustafa Sübhi, Məhəmməd Naxçıvani və Fuad İbrahimbəyov küçələrinin bəzi hissələrinin elektrik təchizatında məhdudiyyət olacaq.

Nərimanov rayonunda isə saat 09:00-dan 13:00-dək akademik Həsən Əliyev, Xan Şuşinski, Səməd Vurğun və Möhsün Sənani küçələrinin bəzi ərazilərində, eləcə də 1 saylı ASAN xidmət mərkəzi və Tibb Universitetinin Onkoloji Klinikasında elektrik enerjisinin verilişi dayandırılacaq.

Beyləqan rayonunda 110/35/10 kV-luq "Xalac" yarımstansiyasında yenidənqurma işləri ilə əlaqədar saat 10:00-dan 16:30-dək bir sıra kənd və qəsəbələrdə fasilə yaranacaq.

Cəlilabad rayonunun Göytəpə şəhəri və bir sıra kəndlərində saat 12:00-dan 15:00-dək 35 kV-luq "Göytəpə" hava xəttində aparılacaq təmir işləri ilə əlaqədar elektrik enerjisinin verilişi məhdudlaşdırılacaq.

Ağdaş rayonunda saat 10:00-dan 14:00-dək "Ləki Dartı" yarımstansiyasında aparılacaq təmir işləri ilə əlaqədar Ləki qəsəbəsi və ətraf kəndlərin bəzi hissələrində fasilə yaranacaq.

Tərtərin Evoğlu və İsmayılbəyli kəndlərində saat 10:00-dan 14:00-dək ağacların budanması işləri ilə əlaqədar elektrik enerjisinin verilişində fasilə olacaq.

Yevlaxda saat 10:00-dan 12:00-dək şəhərin bir sıra küçələrində, saat 10:00-dan 15:00-dək isə bir neçə kənd və Meyvəli qəsəbəsində planlı fasilələr tətbiq ediləcək.

Bərdənin bir sıra kəndlərində 35 kV-luq "Mustafağalı" hava xəttində aparılacaq ağacbudama işləri ilə əlaqədar elektrik enerjisinin verilişində məhdudiyyət yaranacaq.

Göyçayın Cəyirli, Çayarxı və Kürdəmiş kəndlərinin bəzi ərazilərində saat 10:00-dan 13:00-dək təmir işləri ilə əlaqədar elektrik enerjisinin verilişi məhdudlaşdırılacaq.

Goranboy rayonunun Balakürd kəndi və Qızılhacılı qəsəbəsinin bir hissəsində isə saat 09:00-dan 15:00-dək ağacların budanması işləri ilə əlaqədar elektrik enerjisinin verilişində fasilə yaranacaq.

"Azərişıq"dan  bildirilir ki, işlər başa çatdıqdan sonra abonentlərin daha keyfiyyətli və dayanıqlı elektrik enerjisi ilə təmin olunması nəzərdə tutulur.

Facebook
Keçid et
Oxşar xəbərlər
Oxşar xəbərlər
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Anews TV

Rəsmi Youtube kanalımız

Abunə ol