Şimali Kiprdə batan bərədə iki Azərbaycan vətəndaşı olub

Şimali Kipr sahillərində batan sərnişin bərəsinin heyətində iki Azərbaycan vətəndaşı olub.Bu barədə Azərbaycan-Kipr Dostluq Cəmiyyətinin rəhbəri Orhan Həsənoğlu AZƏRTAC-a bildirib.

Onun sözlərinə görə, heyət üzvləri Valeh Hümmətov və Rəşad İbrahimov xilas ediliblər.

Həsənoğlu qeyd edib ki, Azərbaycan vətəndaşlarına ilkin tibbi yardım göstərildikdən sonra onlar xəstəxanadan buraxılıblar və səhhətlərində təhlükə yoxdur.

Şimali Kiprin Girnə şəhəri sahillərində sərnişin bərəsinin batması nəticəsində 7 nəfər ölüb, 237 nəfər xilas edilib.