Oktyabrın 13-də Naxçıvan şəhərinin bir sıra ərazilərində təmir işləri ilə əlaqədar saat 10:00-dan 12:00-dək elektrik enerjisinin verilişi dayandırılacaq. Bu barədə “Azərişıq” ASC-nin Naxçıvan Regional Enerji Təchizatı və Satışı İdarəsindən (RETSİ) məlumat verilib.

Bildirilib ki, 110/35/10 kV-luq Xalçaçılıq yarımstansiyasından çıxan 19 nömrəli hava elektrik xəttində təmir işləri aparılacaq.

Məhdudiyyət Naxçıvan şəhərinin 56, 59, 60 və 61-ci məhəllələrini, Şəhriyar, Səməd Vurğun və Həsən Rəhmanov küçələrini, Hərbi Şəhərcik-1-i, Universitet şəhərciyini, Uşaq Xəstəxanasını və Perinatal Mərkəzi əhatə edəcək.