• $
  • €
  • ₽
  • ₺
  • £

Peşə seçimi əmək bazarının tələblərinə uyğun aparılmalıdır-nazir

Peşə seçimi əmək bazarının tələblərinə uyğun aparılmalıdır-nazir
18.11.2026 13:11

Gənclərin ixtisas seçimi əmək bazarının real tələblərinə və gələcək məşğulluq imkanlarına əsaslanmalıdır. Ali təhsilin hər zaman daha yüksək əməkhaqqı və işlə təminat demək olmadığı cəmiyyətə konkret rəqəmlərlə izah edilməlidir. Bunu elm və təhsil naziri Emin Əmrullayev Peşə Təhsili Forumu çərçivəsində keçirilən panel sessiyada çıxışı zamanı deyib.

Nazir bildirib ki, hazırda gənclərin bir qismi konkret peşə seçmək əvəzinə, topladıqları bala uyğun ixtisaslara üstünlük verir. Onun sözlərinə görə, bu yanaşma uzunmüddətli perspektivdə əmək bazarında ciddi problemlər yarada bilər.

Əmrullayev qeyd edib ki, ixtisas seçimi zamanı formalaşan ənənəvi yanaşma dəyişməlidir. Belə ki, gənclər yalnız ali təhsil almaq və ya yüksək bal toplamaq məqsədi ilə deyil, maraq və bacarıqlarına, eləcə də əmək bazarındakı tələbatlara uyğun seçim etməlidirlər.

Nazir vurğulayıb ki, cəmiyyətə müxtəlif ixtisaslar üzrə məzunların məşğulluq göstəriciləri və orta əməkhaqları barədə məlumatlar təqdim olunmalıdır.

“İnsanlara konkret rəqəmlərlə çatdırmalıyıq ki, 10 il əvvəl müəyyən ixtisası seçən şəxslərin orta əməkhaqqı nə qədərdir. Həmin vaxt başqa bir peşəni seçsəydilər, bu gün nə qədər gəlir əldə edə bilərdilər. Bütün sahələrdə ali təhsil zəruri deyil. Data elmi və mühəndislik kimi istiqamətlərdə ali təhsil vacib olduğu halda, kənd təsərrüfatı, turizm, logistika və nəqliyyat sahələrində peşə təhsilinə ehtiyac daha yüksək ola bilər”,- nazir vurğulayıb.

O bildirib ki, bəzi peşələr üzrə əməkhaqqı ali təhsil tələb edən ixtisaslardan heç də aşağı deyil. Bunun əsas səbəbi həmin sahələrdə işçi qüvvəsinə tələbatın yüksək olmasıdır.

Nazir nümunə olaraq İsveç təcrübəsindən danışıb. Qeyd edib ki, bəzi cəmiyyətlərdə insanların sosial imkanları və həyat səviyyəsi onların sahib olduqları peşədən asılı deyil.

Əmrullayev əlavə edib ki, bəzi peşə təhsili müəssisələrinin məzunlarının işlə təmin olunma göstəriciləri 100 faizə yaxın olduğu halda, bəzi ali təhsil müəssisələrində bu göstərici 30 faiz təşkil edir.

Nazir hesab edir ki, bu məlumatlar ictimaiyyətə açıq şəkildə təqdim edilməli, gənclər ixtisas seçərkən məzunların iş tapmaq ehtimalını da nəzərə almalıdırlar.

Aytac ZeynalovaMüəllifAytac ZeynalovaBütün xəbərləri
Facebook
Keçid et
Oxşar xəbərlər
Oxşar xəbərlər
Anar Əliyev: Azərbaycanda 600 minə yaxın əmək müqaviləsi rəsmiləşdirilib
Cəmiyyət 13:15
Anar Əliyev: Azərbaycanda 600 minə yaxın əmək müqaviləsi rəsmiləşdirilib
Pellet yanacağından istifadəyə keçid meşələrin qorunmasına töhfə verəcək - Birgə məlumat
Cəmiyyət 13:15
Pellet yanacağından istifadəyə keçid meşələrin qorunmasına töhfə verəcək - Birgə məlumat
Emin Əmrullayev: Sertifikasiyadan keçməyən müəllimlərin böyük hissəsi ibtidai sinif müəllimləridir
Cəmiyyət 13:06
Emin Əmrullayev: Sertifikasiyadan keçməyən müəllimlərin böyük hissəsi ibtidai sinif müəllimləridir
AZCON: 800 sürücünün işə götürülməsinə ehtiyac var
Cəmiyyət 13:04
AZCON: 800 sürücünün işə götürülməsinə ehtiyac var
Anar Əliyev: 2030-cu ilədək peşə hazırlığına cəlb olunanların sayı 25 minə çatdırılacaq
Cəmiyyət 12:55
Anar Əliyev: 2030-cu ilədək peşə hazırlığına cəlb olunanların sayı 25 minə çatdırılacaq
Sabaha olan hava proqnozu açıqlanıb
Cəmiyyət 12:44
Sabaha olan hava proqnozu açıqlanıb
Azərbaycanda on minlərlə insan peşə və ixtisas sahibi ola bilmir- Emin Əmrullayev
Cəmiyyət 12:42
Azərbaycanda on minlərlə insan peşə və ixtisas sahibi ola bilmir- Emin Əmrullayev
Azərbaycanda 32 məktəb və bağçada istilik yoxdur
Cəmiyyət 12:38
Azərbaycanda 32 məktəb və bağçada istilik yoxdur
Fermerləri çətin vəziyyətə saldığımızı görə-görə qanun qəbul edirik - deputat
Cəmiyyət 11:45
Fermerləri çətin vəziyyətə saldığımızı görə-görə qanun qəbul edirik - deputat
Anews TV

Rəsmi Youtube kanalımız

Abunə ol