DYP-dən sürücülər üçün aksiya - VİDEO

ANN.Az ANS TV-yə istinadən xəbər verir ki, Bakı Şəhər Dövlət Yol Polisi İdarəsi oyunlara az müddət qaldığından şəxsi avtomobil sürücülərinə bir daha xəbərdarlıq edib. 

"Bir ay şəxsi avtomobilsiz” şüarı altında hər bir hərəkət iştirakçısına hərəkət tövsiyə olunur. Çalışaq ki, ictimai nəqliyyat vasitələrindən istifadə etməklə Bakı şəhərində yarana biləcək süni sıxlığın qarşısını alaq. İdman oyunlarına qatılacaq tamaşaçı və idmançıların rahat, sərbəst və fasiləsiz hərəkəti üçün imkan yaradaq”, – deyə BŞDYPİ-nin ictimai əlaqələr şöbəsinin müdiri Vaqif Əsədov bildirib.

İctimai nəqliyyat bu ərəfədə səhər saat 5-dən gecə 1-ə kimi pullu xidmət göstərəcək. Amma müəyyən ərazilərə qədər. Çünki artıq bəzi avtobusların hərəkət sxemi dəyişdirilib, yalnız xüsusi icazə olduğu təqdirdə onlar oyunların keçirildiyi ərazidən, zolaqlardan keçə biləcəklər. Ümumilikdə ictimai nəqliyyatın hərəkət istiqaməti "parkinq yoxdur” adlanan ərazilərə kimi olacaq.

"O ərazidə yaşayanlar elə bilməsinlər ki, onlar xüsusi olaraq ekspress avtobusların xidmətindən pulsuz yararlana biləcəklər. Bu xidmətdən yalnız oyunlara bileti olan tamaşaçılar pulsuz yararlana biləcəklər. Həmin yerlərə yaxın ərazidə dayanacaqlar qurulacaq və vətəndaşlar yaşadıqları əraziyə nəqliyyat vasitəsi ilə gedə biləcəklər. Bir kimsə, yolda qalmayacq, hər bir şey nəzərə alınıb”, – deyə Nəqliyyat Nazirliyinin mətbuat xidmətinin rəhbəri Namiq Həsənov bəyan edib.

Qeyd edək ki, sürücülərə və vətəndaşlara edilən bu xəbərdarlıqlar iyulun 1-ə kimi qüvvədədir.