"Credit Suisse” hesabatı göstərir ki, hərbi büdcəsini kiçiltməsinə baxmayaraq, ABŞ ordusu yenə də liderliyini saxlayır.
ABŞ özünün ən yaxın rəqibləri olan Rusiya və Çini qabaqlamaqla, dünyanın hərbi supergücü qalmaqda davam edir.
"Credit Suisse” hərbi gücün müqayisəli təhlilinin çətinliyini etiraf edir.
Hərbi gücün analizi zamanı silahlı qüvvələrin sayı (ümumi balın 5%i), tankların (10%), hücum helikopterlərinin (15%), təyyarələrin (20%), təyyarə daşıyan gəmilərin (25%) və sualtı qayıqların sayı (25%) qiymətləndirilib. Qiymətləndirmə hərbi gücü yalnız kəmiyyət göstəriciləri əsasında müəyyən edib və faktiki silahlanma potensialını və şəxsi heyətin hazırlıq səviyyəsini nəzərə almayıb. Ona görə də bəzi ölkələrin siyahıdakı yeri sizi təəccübləndirə bilər.
10. Türkiyə
Hərbi büdcə: 18,2 milyard dollar
Şəxsi heyətin tərkibi: 410,5 min nəfər
Tanklar: 3778
Təyyarələr: 1020
Sualtı qayıqlar: 13
Türkiyənin silahlı qüvvələri – Aralıq dənizinin şərqində ən nəhənglərdən biri hesab olunur. Təyyarə daşıyan gəmilərin olmamasına baxmayaraq, sualtı qayıqların sayına görə yalnız 5 ölkədən geri qalır. Türkiyə həmçinin tankların, təyyarələrin və hücum helikopterlərinin sayına görə seçilir. Ölkə F-35 qırıcılarının hazırlanması üzrə birgə proqramda iştirak edir.
Şəxsi heyətin tərkibi: 146,9 min nəfər
Tanklar: 407
Təyyarələr: 936
Sualtı qayıqlar: 10
Böyük Britaniya 2010-2018-ci illərdə silahlı qüvvələrin sayını 20% azaltmağı planlaşdırsa da, onun gücü bütün dünyanın Britaniya ilə hesablaşması üçün kifayət edir. Krallığın hərbi dəniz donanması 2020-ci ildə "HMS Queen Elizabeth” təyyarə daşıyan gəmiləri silahlı qüvvələrə cəlb etməyi planlaşdırır. Onun uçuş göyərtəsinin sahəsi 18 min m2-dən yuxarıdır. Gəminin bortuna 40 ədəd F-35B zərbə qırıcıları yerləşir.
Hərbi büdcə: 34 milyard dollar
Şəxsi heyətin tərkibi: 320 min nəfər
Tanklar: 586
Təyyarələr: 760
Sualtı qayıqlar: 6
İtaliya ordusu 2 aktiv təyyarə gəmisi hesabına "Credit Suisse”nin siyahısında yuxarı pillələrdə yer alıb. Sualtı gəmilərin və hücum helikopterlərinin yüksək sayı İtaliyanın reytinqinin yüksəlməsinə təsir edib.
7. Cənubi Koreya
Hərbi büdcə: 62,3 milyard dollar
Şəxsi heyətin tərkibi: 624,4 min nəfər
Tanklar: 2381
Təyyarələr: 1412
Sualtı qayıqlar: 13
Cənubi Koreyaya Şimaldan hücum ehtimalının yüksək olması, ona böyük və güclü orduya malik olmaqdan başqa seçim buraxmır. Ona görə də, ölkənin silahlı qüvvələri sualtı qayıqların, helikopterlərin və çıxsi heyətin tərkibinin çoxluğu ilə seçilir. Cənubi Koreya həmçinin, nəhəng tank qruplaşmasına sahibdir və Hərbi Hava Qüvvələrinin (HHQ) böyüklüyünə görə dünyada 6-cıdır.
Hərbi büdcə: 62,3 milyard dollar
Şəxsi heyətin tərkibi: 202,7 min nəfər
Tanklar: 423
Təyyarələr: 1264
Sualtı qayıqlar: 10
Fransız ordusu müqayisədə böyük sayılmır, lakin yaxşı təlim keçmiş, peşəkar və mobildir. Yaxın vaxtlarda orduya "Charles de Gaulle” təyyarə gəmisi cəlb olunub, bundan başqa, Fransa mütəmadi olaraq Afrikada yerli hakimiyyəti dəstəkləyən və ekstremizmlə mübarizəyə yönəldilmiş hərbi əməliyyatlarda iştirak edir.
5. Hindistan
Hərbi büdcə: 50 milyard dollar
Şəxsi heyətin tərkibi: 1,325 milyon nəfər
Tanklar: 6464
Təyyarələr: 1905
Sualtı qayıqlar: 15
Hindistan – planetin ən nəhəng hərbi güclərindən biridir. Şəxsi heyətin sayına görə o, yalnız ÇXR və ABŞ-a uduzur. Tankların və təyyarələrin sayına görə də ABŞ, Çin və Rusiyadan başqa, bütün dövlətləri üstələyir. Ölkənin arsenalında nüvə silahı var. Hindistanın 2020-ci ildə hərbi xərclərin böyüklüyünə görə dünya üzrə 4-cü yer tutacağı ehtimal olunur.
4. Yaponiya
Hərbi büdcə: 41,6 milyard dollar
Şəxsi heyətin tərkibi: 247,1 min nəfər
Tanklar: 678
Təyyarələr: 1613
Sualtı qayıqlar: 16
Ümumilikdə Yaponiya ordusu böyük deyil. Lakin çox yaxşı silahlanıb. "Credit Suisse”nin məlumatlarına əsasən, Yaponiya sualtı donanmanın böyüklüyünə görə dünyada 4-cüdür. Silahlanmada həmçinin 4 təyyarə gəmisi dayanır. Lakin onlar təkcə helikopterlərlə təchiz olunub. Hücum helikopterlərinin sayına görə ölkə yalnız Çin, Rusiya və ABŞ-a uduzur.
3. Çin
Hərbi büdcə: 216 milyard dollar
Şəxsi heyətin tərkibi: 2,333 mln nəfər
Tanklar: 9150
Təyyarələr: 2860
Sualtı qayıqlar: 67
Son onilliklər ərzində Çin ordusu həm miqyası, həm də imkanlarına görə xeyrli irəliləyib. Çin həmçinin tank qruplaşmalırının miqyasına görə ikincidir (Rusiyadan sonra) və sualtı donanmanın miqyasına görə ikincidir (ABŞ-dan sonra). Çin hərbi modernizasiya proqramlaşmasında inanılmaz uğurlar əldə edib. Hazırda Çin bir sıra unikal hərbi texnologiya istehsal edir. Bunların arasında ballistik raketlər və 5-ci nəsil təyyarələr var.
2. Rusiya
Hərbi büdcə: 84,5 milyard dollar
Şəxsi heyətin tərkibi: 766 min nəfər
Tanklar: 15 398
Təyyarələr: 3429
Sualtı qayıqlar: 55
Rusiyanın silahlı qüvvələri dünyada qeyd-şərtsiz olaraq ikinci yerdədir. Ölkə planetdə ən nəhəng tank qruplaşmasına sahibdir, dünya üzrə ikinci HHQ-nə malikdir (ABŞ-dan sonra) və sualtı donanmanın miqyasına görə 3-cüdür (yalnız ABŞ və Çindən geri qalır). 2008-ci ildən bəri Kremlin hərbi xərcləri demək olar ki, 3 dəfə artıb. Növbəti 3 ildə bu xərclərin 44% artacağı ehtimal olunur. Ölkə həmçinin, Suriyadakı hərbi qruplaşmaların çevrilməsi ilə özünün mobil imkanlarını nümayiş etdirdi.
Hərbi büdcə: 601 milyard dollar
Şəxsi heyətin tərkibi: 1,4 mln nəfər
Tanklar: 8848
Təyyarələr: 13892
Sualtı qayıqlar: 72
Büdcənin dəyişdirilməsinə və hərbi xərclərin azaldılmasına baxmayaraq, "Credit Suisse”-un hesablamalarına görə, ABŞ-ın hərbi büdcəsi geridə qalan 9 ölkənin hər birinin büdcəsinin cəmindən çoxdur. Amerikanın əsas hərbi üstünlüyü 10 təyyarə gəmisindən ibarət donanmadır. Müqayisə üçün deyək ki, ikinci yerdə duran Hindistan hazırda 3-cü təyyarə gəmisinin hazırlanması üzərində işləyir. ABŞ həmçinin təyyarələrinin sayına görə də, hərbi dəniz donanmasında yeni sürətli topların tətbiqi və yaxşı təlim keçmiş ordusuna görə də dünyada birincidir. ABŞ nüvə arsenalına görə də dünyada birinci yer tutur. //fins.az
www.ann.az
Bizi sosial şəbəkələrdə izləyin !