Neftin qiyməti büdcəyə necə təsir edəcək? - AÇIQLAMALAR

Maliyyə naziri Samir Şərifov gələn ilin dövlət büdcəsində gəlirlərin hesablanması zamanı neftin ixrac qiyməti 40 dollar/barrel səviyyəsində nəzərdə tutulduğunu deyib. 

Neftin dünya bazarında ucuzlaşmasını nəzərə alsaq, büdcə gəlirlərində neftin ixrac qiymətinin 40 dollardan hesablanması Azərbaycan iqtisadiyyatına necə təsir göstərəcək? 

 

"Düşünürəm ki, neftin qiyməti ilə bağlı gələn ilin büdcəsinə yenidən dəyişilik edilməyəcək. Ona görə ki, neftin 40 dollardan hesablanması proqressiv qiymətdir. Yəni neftin qiymətinin 40 dollardan baha olma ehtimalı var, amma ucuzlaşma yox. Proqnozlarda göstərir ki, növbəti illər üçün neftin qiyməti 55-60 dollar civarında dəyişəcək”.   

"İqtisadi amillləri nəzərə alsaq, bir çox səbəb neftin qiymətini yenidən dəyişə bilər. Yanvarın 20-dən Donald Tramp ABŞ-da rəsmi olaraq prezident olacaq. Və o seçkiqabağı çıxışı zamanı bildirmişdi ki, ABŞ-ın bütün imkanlarını (neft, qaz və digər sahələr) ticarət əlaqələri üçün açacam. Bu qərar neftin qiymətinə mütləq şəkildə öz təsirini göstərəcək”,- deyə deputat əlavə edib.

"Gələn il Azərbaycanda neft həcmlərinin kifayət qədər azaldılması planlaşdırılır. Hökumətin proqnozuna görə, orta hesabla, 30 min barrel neftin qiymətin ucuzlaşacaq. Onun cari ildəki gəlirləri səviyyəsində olması üçün neftin qiymətinin təqribən 25 faiz artması lazımdır. Bu səbəbdən də, ehtimal etmirəm ki, gələn ilin büdcəsində neftin qiymətilə bağlı dəyişikliklər olsun”. 

 

 

"İqtisadiyyatın digər sahələri - Vergilər Nazirliyi, Gömrük Komitəsi və digər sahələr - verilən planları, tapşırıqları lazımi qədər yerinə yetirə biləcəklərmi? Dünyada hər şey biznesin inkişafı hesabına həll edilir. Bizdə isə biznesin inkişafını görmək üçün xeyli vaxt lazımdır. Bu inkişaf 1-2 ilin nəticəsi ola bilməz. Əvvəlcə, bu sahə inkişaf etdirilməlidir”, -mdeyə İ. Şaban qeyd edib. 

Xatırladaq ki, ötən ilin büdcə gəlirlərində neftin ixrac qiyməti əvvəlcə 50 dollar/barrel səviyyəsində müəyyən edilsə də, dünya bazarında neftin qiymətinin kəskin şəkildə ucuzlaşması səbəbidən, 2016-ci ilin yenilənmiş dövlət büdcəsinin layihəsində neftin bir barrelinin baza qiyməti 25 dollardan hesablanmışdı.