Dollar ucuzlaşır, birja iştirakçıları növbəti ili gözləyir

ANN.Az "APA-Economics"ə istinadən  xəbər verir ki, avronun dollara qarşı məzənnəsi 0,12% möhkəmlənərək 1,0448 dollara çatıb. Beləliklə, avro 14 illik minumum hesab olunan 1,0350 dollar səviyyəsindən uzaqlaşa bilib.

 

Yaponiya bazarı artıq işini dayandırıb. Son ticarət sessiyasının yekununda dollar 0,09% ucuzlaşaraq 117,42 yenə qədər enib. Maraqlıdır ki, bunadək dollar 118,66 yen səviyyəsinə qədər bahalaşa bilib ki, bu da cari ilin fevral ayının əvvəlindən ən yüksək göstəricidir.

 

Qarşıdan gələn bayram tətili öncəsi valyuta bazarlarının aktivliyi zəifləyib. Lakin bazar iştirakçıları yeni ildə dolların möhkəmlənməsini gözləyir. Bunun əsas səbəbi ABŞ-ın dövlət istiqrazlarının gəlirliliyinin artmasıdır.

 

Ötən gün açıqlanan statistik göstəricilərə əsasən, 2016-cı ilin III rübündə ABŞ-ın ÜDM-i proqnozlaşdırılandan daha sürətlə artıb.