"Elektron ticarətə vergi tətbiqi üçün iş aparılır" - Nazir müavini

 

ANN.Az xəbər verir ki, bunu Vergilər nazirinin müavini, 3-cü dərəcəli vergi xidməti müşaviri Sahib Ələkbərov Vergi Məcəlləsinə edilmiş son əlavə və dəyişikliklərin şərhinə dair keçirilən mətbuat konfransında deyib.

"Lakin söhbət yüz milyonlarla manatdan gedir. Hərtərəfli şəkildə və uzun müddət bu istiqamətdə iş aparılıb. Çalışırıq ki, bu barədə bütün suallar tam şəkildə cavabını tapa bilsin və normal rüsum tətbiq edilsin”.

"Vergi orqanı olaraq ən ümdə vəzifələrimizdən biri odur ki, büdcənin gəlir hissəsinin dolmasını təmin etməkdir. Konstitusiyanın 71-ci maddəsində göstərilir ki, dövlət tərəfindən müəyyən olunmuş vergiləri ödəmək hər kəsin borcudur. Hər kəs vergisini verməlidir ki, dövlətə çatmalı olan vəsait büdcəyə otursun və dövlət xərclərini qarşılasın. Lakin bu gün məlumatlar daxil olur ki, qazanc, gəlir əldə edilir, lakin vergidən yayındırılaraq, ayrı-ayrı şəxslərin cibinə gedir. Bunun da qarşısı alınmalı və dövlətə ödənilməli olan vəsait birbaşa dövlət büdcəsinə çatmalıdır”, - deyə S. Ələkbərov əlavə edib.