“Samsung Anti-Tangle” – tozsoran quruluşunda yenilik

"Samsung” yeni "Anti-Tangle” turbinli "CycloneForceTM” sistemini təqdim edir. Bu sistem tük, saç və tozun dolanmasının qarşısını alaraq sabit sovurma gücünü uzun müddət ərzində davamlı olaraq təmin edir.

Adi tozsoranlarda fırlanan ventilyator havanı və tozu özünə çəkərək zibil konteynerinə toplayır, xüsusi barmaqlıqlar isə tullantı və tükü üzərində saxlayaraq ventilyatora düşməsinin qarşısını alır.

Yeni sistem isə hava burulğanı yaradır, toz və çirk hissəcikləri, mərkəzdənqaçma qüvvəsinin təsiri altında burulğandan itələnərək zibil konteynerində toplanır. Dövrü hava axını üzərində işləyən bu sistemin adı da elə buradan irəli gəlir – "Cyclone ForceTM”.

"Anti-Tangle” turbininə gəldikdə isə, eni 2,5 sm olan bu işlək element, adi sovurmanı tənzim edən motorun üzərində işləyir. Motor yeni turbinə dəqiqədə 10000 dövrə etməyə imkan yaradır. Bu sadə gündəlik həll, əlavə hava axını ilə tük və saçları birbaşa zibil konteynerinə toplayaraq dolanma problemini aradan qaldırır.

"Anti-Tangle” turbinli "CycloneForceTM” sistemi sahəsində sovurma gücü təmizliyin əvvəlindən axırına kimi dəyişməz olaraq qalır. Bu da öz növbəsində təmizliyin effektivliyini artırır. 

Yeri gəlmişkən, konteynerin təmizlənməsi də olduqca asandır.

Bütün tullantılar zibil konteynerinə yığılır və sonra adət etdiyimiz qaydada oradan xaric olunur: konteyneri çıxarın, qapağını açın və zibil qutusuna əliniz dəymədən boşaldın, konteyneri yerinə qaytarın. Bundan sonra çirki əlinizlə təmizləməyə ehtiyac yoxdur!

Paytaxt sakinləri "Samsung Anti-Tangle” ilə tezliklə "Baku Electronics”, "Kontakt Home” və "Optimal” mağazalar şəbəkəsində daha yaxından tanış ola biləcəklər. Yeni texnologiyalar haqqında əlavə məlumat almaq istəyirsinizsə, bizim xəbərlərimizi izləməyə davam edin.