Avropa erməniləri yox, Azərbaycanı dəstəklədi
28.05.2020 19:14
Avropa parlamentinin 33 üzvünün etiraz məktubuna baxmayaraq Avropa Sərmayə Bankı Trans Anadolu Qaz Kəmərinin (TANAP) tikintisi üçün 992 milyon avro (1,15 milyard dollar) kredit ayırıb.
Məqaləyə görə, TANAP-ın maliyyələşdirilməsi məsələsinə bank tərəfindən iyun ayından baxılır. Kredit ayrılması qərarı ətraf mühitə təsir barədə etirazlar, layihədə 58% iştirak payına malik Azərbaycan əleyhinə ittihamlar olmasına, Türkiyə və Avropa Birliyi arasında münaqişə olmasına baxmayaraq verilib. Keçən ilin dekabr ayında isə Avropa parlamentinin 33 deputatı Avropa Sərmayə Bankının rəhbəri Verner Hoyerə məktub yazaraq layihədən imtina etməyə çağırıblar. Ermənipərəst deputatlar tərəfindən yazılmış bu məktub Türkiyə və Azərbaycanı gözdən salmaq məqsədi daşıyıb.
"Oil Price” portalının yazdığına görə, ermənipərəst deputatların bütün bu iddialarına baxmayaraq, kreditin ayrılacağına heç bir şübhə yox idi. Çünki TANAP Avropa Birliyinin Xəzər qazını Mərkəzi və Cənubi Avropaya nəql etməyi nəzərdə tutan Cənub Qaz Dəhlizi layihəsinin əsas elementidir. Avropa Sərmayə Bankı daha öncə Cənub Qaz Kəmərinin digər hissəsi TAP-ın tikintisi üçün 1,5 milyard avro kredit ayırıb. TAP-ın tikintisi 2020-ci ildə başa çatacaq və hər il 10 milyrad kubmetr qaz TANAP vasitəsi ilə Türkiyə - Yunanıstan sərhədinə çatdırılacaq, oradan da TAP vasitəsi ilə Adriatik dənizinin dibindən keçməklə İtaliyaya nəql ediləcək.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
