Torpaqların icarəyə verilməsinin şərtləri açıqlandı

 

AzVision.az xəbər verir ki, bununla bağlı "Torpaq icarəsi haqqında” qanuna dəyişiklik edilir.

Qanuna əlavə edilən 10-1-ci (Dövlət mülkiyyətində olan kənd təsərrüfatı təyinatlı torpaqların icarəyə verilməsinin xüsusiyyətləri) maddəyə əsasən, dövlət mülkiyyətində olan kənd təsərrüfatı təyinatlı torpaq sahəsinin icarəyə götürmək istəyən şəxs müvafiq icra hakimiyyəti orqanının müəyyən etdiyi orqana ərizə ilə müraciət edir. Ərizədə torpaq sahəsindən istifadənin məqsədi və müddəti göstərilir.

Ərizəyə bu sənədlər daxildir: Ərizəçi fiziki şəxs olduqda, şəxsiyyət vəsiqəsinin surəti, huquqi şəxs olduqda isə hüquqi şəxslərin dövlət treyesterindən çıxarışın surəti, ərizəçinin vergi ödəyicisi kimi dövlət qeydiyyatına alınması barədə şəhadətnamə nin surəti, müvafiq icra hakimiyyəti orqanının müəyyən etdiyi orqan tərəfindən müəyyən olunan formada torpaq sahəsindən istifadənin iqtisadi əsaslandırılması, torpaq sahəsi qanuni istifadədə olduqda, torpaq istifadəçisinin razılığını təsdiq edən sənəd.

Müvafiqicra hakimiyyəti orqanının müəyyən etdiyi orqan təqdim olunan ərizəyə və ona əlavə olunan sənədlərə 10 gün müddətində baxaraq aşağıdakı hüquqi hərəkətlərdən birini edir:

Torpaq sahəsinin icarəyə verilməsini məqsədəuyğun hesab etmədikdə və ya ərizədə və ona əlavə edilmiş sənədlərdə icarə müqaviləsinin bağlanmasından imtinaya səbəb olan çatışmazlıqlar aşkar etdikdə, torpaq sahəsinin icarəyə verilməsindən imtina edilməsi barədə inzibati aklt qəbul edir. Bu inziobati akt torpaq sahəsinin icarəyə verilməsindən imtina hallarına istinad istinad edilməklə, əsaslandırılmalıdır.

Torpaq sahəsinin icarəyə verilməsini məqsədəuyğun hesab etdikdə, bu barədə rəy hazırlayır, həmin rəy sənədlər də əlavə olunmaqla, icarə müqaviləsini bağlamağa razılıq alınması üçün 2 gün müddətində müvafiq icra hakimiyyəti orqanının müəyyən etdiyi orqana göndərir.

Müvafiq icra hakimiyyəti orqanının müəyyən etdiyi orqan ərizədə və ona əlavə edilən sənədlərdə aradan qaldırılması mümkün olan və torpaq sahəsinin icarəyə verilməsindən imtinaya səbəb olmayan şatışmazlıqlar aşkar etdikdə, ərizənin qeydiyyata alındığı tarixdən 3 gündən gec olmayaraq onların aradan qaldırılması barədə məlumatı ərizəçiyə təqdim edir. Müvafiq icra hakimiyyəti orqanının müəyyən etdiyi orqan razılıq alınması üçün təqdim olunan müraciətə dövlət kadastrının məlumatları əsasında 15 gün müddətində baxaraq dövlət torpağının icarəyə verilməsinə razəılıq verir və ya həmin müraciət və olunan sənədlər kadastr məlumatları ilə uyğunsuzluq təşkil etdikdə dövlət torpağını ivcarəyə verilməsinə razılıq vermir. Müvafiq icra hakimyyətin orqanının müəyyən etdiyi orqanının icarə müqazviləsinin bağlanmasına razılıq verilməsindən imtina barədə qərarı imtina hallarına istinad edeilməklə, əsaslandırılmalıdır. 

Müvafiq icra hakimyyətin orqanının müəyyən etdiyi orqan razılıq alınması üçün təqdim edilən müraciətə 30 gün müddətində münasibət bildirmədikdə, müvafiq icra hakimiyyəti orqanının müəyyən etdiyi orqan razılıq verilməsi prezumpsiyasından çıxış edir. 

Qanuna dəyişiklik layihəsi parlamentin Aqrar siyasət komitəsinin iclasında müzakirəyə çıxarılaraq plenar iclasa tövsiyə olunub.