Ruslar Azərbaycana axın edir

Oxu.Az xəbər verir ki, "TurStat” 2018-ci ilin I rübündə Rusiya vətəndaşlarının turist qismində səfər etdiyi ölkələrin reytinqini tərtib edib. 

Bu dövr ərzində Rusiyadan Azərbaycana gələnlərin sayı 147 min olub ki, bu da ötən il ilə müqayisədə 6 faiz çoxdur. Azərbaycan bu reytinqlə 15-ci yerdə qərarlaşıb. 

Siyahıda ötən illə müqayisədə ən çox artım Qətər, BƏƏ və Türkiyəyə səfərlərdə qeydə alınıb. 

Türkiyə bu siyahıda 11-ci, Gürcüstan isə 14-cü olub. 

Bu ilin birinci rübündə ümumilikdə Rusiyadan turist qismində 7,5 milyon insan başqa ölkələrə gedib. Bu, ötən illə müqayisədə 12 faiz çoxdur.