"BakuBus" avtobusları niyə gecikir?

Trend-in məlumatına görə, MMC-nin direktor müavini Azər Qasımov bildirib ki, bu problem hələ də qalmaqdadır:

"Bu prosesdə avtobus sürücüləri günahkar deyil. Problem şəhərin bəzi küçələrindəki tıxaclardır. Tıxaclarda avtobuslar yubanır və nəticədə intervallarda gecikmələr baş verir. Bəzi hallarda isə avtobus dayanacaqlarında taksi sürücülərinin dayanması avtobusların dayanacaqlarda dayanmasına mane olur. Bu proses də sonda dayanacaqlararası intervallarda gecikməyə səbəb olur".

A.Qasımov deyib ki, bu problemlərin aradan qaldırılması üçün Bakı Nəqliyyat Agentliyi tədbirlər görür.