Qiymət artımı olacaq?

"Ukraynadakı hadisələr region ölkələrinin iqtisadyyatına güclü, orta və aşağı səviyyədə təsir edir. Amma indiyədək bunun Azərbaycana mənfi təsiri hiss olunmayıb."Bunu ANS PRESS-ə Milli Məclisin deputatı Əli Məsimli deyib.O, "Beynəlxalq Valyuta Fondunun Ukraynada münaqişənin dərinləşməsinin Şərqi Avropa və MDB ölkələrində qiymət artımına səbəb olacaq proqnozunun Azərbaycana hansı iqtisadi təsiri ola bilər" suala cavabında bildirib ki, ötən il Azərbaycan Ukraynaya 276 milyon dollarlıq mal ixrac edib və bundan 313 milyon dollar çox, yəni 589 milyon dollarlıq mal idxal edib. İxrac 3 dəfə, idxl isə 10 faizə yaxın artıb: "Ukrayna Azərbaycanın idxalında 5,5 faiz xüsusi çəki ilə 5-ci, ixracında isə 1,1 faiz xüsusi çəki ilə 19-cu yeri tutur. Biz Ukraynadan buğda unu, bitki yağı, qənnadi məlumatı, makaron, çörək, iri buynuzlu heyvan, süd və süd məhsulları, təzə meyvə, spirtli içki, dərman və sair alırıq. Ukraynaya isə ölkəmizdən kənd təsərrüfatı məhsulları, çay, meyvə-tərəvəz şirələri, bir qədər neft və neft məhsulları, kimya sənayesi məhsulları və sair göndərilir." Onun sözlərinə görə, Ukraynada münaqişələrin dərinləşməsi Azərbaycan-Ukrayna ticarət əlaqələrinə müəyyən dərəcədə təsir edə blər, amma biz Ukraynadan aldığımız malları əksər ölkələrdən də ala bildiyimizdən, bu, Azərbaycana münasibətdə nəzərəçarpan qiymət artımına gətirib çıxara bilməz.ANN.Az