Azərbaycan Türkiyəyə ən çox investisiya qoyan ölkələr sırasında

Türkiyəyə ən çox investisiya qoyan ölkələr Azərbaycan və Hollandiyadır. 

"Anadolu” agentliyinin məlumatına görə, bu məlumatı Türkiyənin Prezident Administrasiyasının İnvestisiya məsələləri üzrə departamentinin rəhbəri Arda Ermut verib.

Onun sözlərinə görə, ötən il Türkiyəyə dünya ölkələri tərəfindən 13 milyard 163 milyon dollarlıq investisiya qoyulub.

Ermut deyib ki, Türkiyə tərəfi qoyulan investisiyanın həcmini əvvəlcə 18 milyarda, daha sonra isə 20-25 milyard dollara çatdırmaq istəyir.