Dünya bazarında neftin qiyməti AÇIQLANIB

Yüksək tələbat və OPEC+ alyansının qərarı fonunda dünya bazarlarında neft bahalaşıb.

Bakı vaxtı ilə saat 09.00-a olan məlumata görə, Şimal dənizində hasil olunan "Brent” neftinin yanvar fyuçersləri 1,11% bahalaşaraq, 1 bareli 83,66 ABŞ dollarına satılıb. WTI neftinin dekabr fyuçerslərinin qiyməti isə 1,23% artaraq, 1 bareli 82,27 ABŞ dolları təşkil edib.

Analitiklərin sözlərinə görə, Sədiyyə Ərəbistanının "Saudi Aramco” şirkətinin neftin dekabr ayı üçün rəsmi buraxılış qiymətini artırması tələbin yüksək olmasından xəbər verir.